गभर्नर महाप्रसाद अधिकारीलाई कारबाही गर्न संसद्‌मा माओवादीको माग

राजनीति

नेपाल लाइभ बुधबार, असार २९, २०७९ ११:४०

काठमाडौं- राष्ट्र बैंकका गभर्नर महाप्रसाद अधिकारीमाथि छानबिन गरी कारबाही गर्न संसद्‌मा माग गरिएको छ।

नेकपा माओवादी केन्द्रकी सांसद रेखा शर्माले गभर्नर अधिकारी नेकपा एमालेको योजना तथा अर्थ विभागका सदस्य रहेको भन्दै कारबाही माग गरेकी हुन्।

उनले भनिन्, 'नेकपा एमालेको उक्त विभागमा एम अधिकारी खोटाङ भन्ने व्यक्ति राष्ट्र बैंकका गभर्नर भनिएको छ। ऐन, नियम विपरीत नियुक्त हुने र गर्ने व्यक्तिमाथि कारबाही गर्नुपर्छ। देशको अर्थतन्त्र सम्हाल्नुपर्ने व्यक्ति पार्टीको सदस्य रहेको कुरालाई गम्भीर ढंगले छानबिन गरियोस् र कारबाही गरियोस्।'

उनले एकातिर अर्थतन्त्र ध्वस्त हुँदै गएको आरोप लागेर कसैलाई अपराधि घोषित गरिएको र अर्कातिर गभर्नर नै प्रतिपक्ष दलको सदस्य भएको देखिएको भन्दै उनले प्रश्न उठाइन्।

'दलको सदस्य भएपछि दलीय अनुशासन लाग्छ। दलका योजना पालना गर्नुपर्ने हुन्छ। कुनैपनि दलको विभागीय सदस्य रहँदा देशको सरकारको नीति पालना गर्नुहुन्छ कि प्रतिपक्षको पालना गर्नुहुन्छ?,' उनको प्रश्न छ।

हाल प्रचलित नियम र कानुनअनुसार राष्ट्र बैंकको गभर्नर दलको सदस्य हुन नपाउने उनको भनाइ छ। सोही कानुनअनुसार कारबाही गर्न माग गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पिठो तथा इन्धनको अभावले गाजामा बेकरीसमेत बन्द हुने अवस्थामा ; राष्ट्रसङ्घ

कृषि क्षेत्रमा बाधक बनेका कानुन संशोधन गर्नुपर्नेमा कांग्रेसको जोड

रकम भुक्तानी नहुँदा पहिरो पीडितको घर निर्माण अलपत्र